لاہور۔15جون(اے پی پی)پنجاب اسمبلی دا اجلاس ڈپٹی سپیکر دوست محمد مزاری دی اڳواݨی اچ ایوان اقبال لاہور اچ تھئے جیڑھا گورنر پنجاب سݙیا ہا۔ اجلاس اچ پنجاب دا 3 ہزار 226 ارب دا بجٹ صوبائی وزیرخزانہ اویس خان لغاری پیش کیتے۔ وزیرخزانہ آکھیا جو آمدن دا تخمینہ 2 ہزار 329 ارب ر??پے رکھیا ڳئے اتے کوئی وی نواں ٹیکس نئیں لایا ڳیا۔ وزیر خزانہ آکھیے جو وفاق توں پنجاب کوں 2020 ارب 74 کروڑ روپے آمدن دا تخمینہ اے، صوبائی محصولات دی مد اچ پچھلے سال توں 24 فیصد ودھارے نال 500 ارب 54 کروڑ روپے دا تخمینہ لائے اتے ایں مالی سال دا بجٹ حجم پچھلے مالی سال توں 22 فیصد ودھ اے ڄݙاں جو سرکاری ملازمین دی تنخواہاں کیتے 435 ارب ر??پے رکھیے ڳین اتے 312 ارب ر??پے پنشن کیتے ہین۔ مقامی حکومتاں کیتے 528 ارب ر??پے?? ترقیاتی پروگراماں کیتے 685 ارب ر??پے رکھیے گین، مزدور دی ماہانہ تنخواہ 20 ہزار روپے توں ودھا تے 25 ہزار روپے کر ݙتی اے، گریڈ1 توں 19 دے ملازمین کیتے 15 فیصد خصوصی الاؤنس تجویز کیتے۔ سرکاری ملازمین ای تنخواہواں اچ 15 اتے پنشن اچ 5 فیصد ودھارا کیتے۔ لگژری ہاؤس ٹیکس اچ نویں ریٹ ݙتن، بین الاضلاع سڑکاں دی تعمیرومرمت کیتے 35 ارب ر??پے، قیدیاں دی فلاح، جیلاں دی حالت چنڳی کرݨ کیتے 6 ارب ر??پے رکھین۔ صحت کیتے 125 ارب 34 کروڑ روپے رکھین۔ ایویں ہی سرکاری ہسپتالاں اچ مفت ادویات ݙیوݨ، کینسر دے غریب مریضاں کیتے مفت ادویات بحال کرݙتن۔ بج?? اچ پنجاب اچ پہلی نرسنگ یونیورس??ی کیتے ہک ارب ر??پے رکھین۔ انہاں آکھیے جو جنوبی پنجاب کیتے سالانہ ترقیاتی پروگرام دا 35 فیصد حصہ رکھیے ڄݙاں جو ملتان اچ 50 کروڑ روپے نال ٹراماسینٹر ٻݨسی۔ پنجاب حکومت 200 ارب ر??پے دی سبسڈی نال سستا اٹا ݙیوݨ دا فیصضہ کیتے، 10 کلو اٹے دا تھیلا ہݨ 490 روپے دا ملسی، کھاوݨ پیوݨ دیاں شئیں رعایتی مل تے ݙیوݨ کیتے 142 ارب ر??پے رکھیے ڳین۔ شعبہ سپیشلائزڈ ہیلتھ کیتے 151 ارب 50 کروڑ روپے پچھلے بجت توں 93 فیصد ودھ رکھین۔ صحت کارڈ کیلئے 5 ارب ر??پے، ہسپتالاں دے بحالی پروگرام 3 ارب ر??پے نال شروع تھیسی، زراعت کیتے 53 ارب 19 کروڑ روپے، آبپاشی کیتے 53 ارب 32 کروڑروپے رکھین۔ نہراں پکی کرݨ دا منصوبہ 1 ارب 80 کروڑ روپے نال مکمل تھیسی، سڑکاں اتے پلاں کیتے 80 ارب 77 کروڑ روپے پچھلے سال توں 39 فیصد ودھ رکھین۔
