تریخ اچ وی گھٹ مثالاں ہن،عالمی برادری کشمیریاں دے بنیادی انسانی حقوق اتے انہاں دی آزادی دا تحفظ یقینی بنڑاونڑ اتے بھارت دے جارحانہ اتے جنگجوانہ اقدام نال امن کوں لاحق خطرے روکنڑ سانگے اپنڑاں کردار نبھاوے،
اسلام آباد ۔ 5 فروری (اے پی پی) وزیراعظم عمران خان آکھیا جو یوم یکجہتی کشمیر اساڈا انہاں کشمیری بھینڑ بھراواں نال پوری حمایت دا اعادہ اے جنہاں کوں چھی مہینے توں غیر انسانی حراست اتے مواصلاتی ناکہ بندی دا نشانہ بنڑایا ویندا پے۔طویل پابندیاں نام نہاد بھارتی جمہوریت اتے اوندی بنیادی انسانی قدراں دے نے لحاظی بے نقاب کر ڈتی اے،بھارت مقبوضہ کشمیر اچ نو لکھ توں ودھ قابض فوج نال 80لکھ کشمیریاں کوں اپنڑی سرزمین تے ڈھک گھدے،ایجھی جاں سوز گھٹن اتے بنیادی حقوق دی پامالی دی تریخ اچ وی گھٹ مثالاں ہن،عالمی برادری کشمیریاں دے بنیادی انسانی حقوق اتے انہاں دی آزادی دا تحفظ یقینی بنڑاونڑ اتے بھارت دے جارحانہ اتے جنگجوانہ اقدام نال امن کوں لاحق خطرے روکنڑ سانگے اپنڑاں کردار نبھاوے۔اے گالھیں انہاں بدھ کوں یوم یکجہتی کشمیر دے موقع تے اپنڑے سنھیے اچ آکھی۔انہاں آکھیا جو کشمیریاں، مسلم امہ ، پاکستان اتے عالمی برادری بھارت ولوں انصاف تے قانون دی پامالی دے عمل کوں رد کر ڈتے،طویل پابندیاں نام نہاد بھارتی جمہوریت اتے اوندی بنیادی انسانی قدراں دے نے لحاظی بے نقاب کر ڈتی اے،بھارت مقبوضہ کشمیر اچ نو لکھ توں ودھ قابض فوج نال 80لکھ کشمیریاں کوں اپنڑی سرزمین تے ڈھک گھدے،ایجھی جاں سوز گھٹن اتے بنیادی حقوق دی پامالی دی تریخ اچ وی گھٹ مثالاں ہن۔انہاں آکھیا جو اساں مقبوضہ جموں تے کشمیر دی عوام نال اپنڑی یکجہتی دا اظہار کریندوں اتے یقین ڈویندوں جو پاکستان انہاں نال یکا مونڈھے نال مونڈھا رلا تے کھڑا رہسی،پاکستان اوں ویلھے تئیں اپنڑی پوری اخلاقی اتے سفارتی حمایت جاری رکھیسی جڈاں تئیں کشمیری عوام اقوام متحدہ دی سلامتی کونسل دی قرارداداں دے مطابق حق خودارادیت نی گھن گھندے۔
.jpg)
