اسلام آباد ۔ 7 جون (اے پی پی) وزیراعظم عمران خان آکھیا جو پوری دنیااچ کوروناوائرس پاروں معیشت بارے غیرمعمولی حالات ہن،آندے سال دا بجٹ غیر معمولی حالات اچ پیش کیتا ویندا پئے ،حالات کوں ڈیکھدیں ہوئیں اے گالھ یقینی بنڑائی ونجے جو غیر ترقیاتی خرچیاں اچ کٹوتی کیتی ونجے اتے ترقیاتی خرچے ودھائے ونجن،روزگاردے موقع بنڑائے ونجن،صوبائی حکومتاں صنعتی شعبے اتے زراعت دی ترقی،غیر ضروری خرچے اچ گھٹکی اتے صحت دے شعبے دی اپ گریڈیشن تے خصوصی توجہ ڈیون۔اے گالھیں انہاں اتوار کوں اتھاں وفاق ‘ پنجاب اتے خیبر پختونخواہ دے مجوزہ بجٹ برائے مالی سال 21-2020 بارے اجلاس نال خطاب کریندیں ہوئیں آکھی۔اجلاس اچ وزیر خارجہ مخدوم شاہ محمود قریشی، وفاقی وزیر اطلاعات سینیٹر شبلی فراز،وفاقی وزیر صنعت محمد حماد اظہر، وفاقی وزیر منصوبہ بندی اسد عمر،وزیراعظم دے مشیر برائے خزانہ ڈاکٹر عبدالحفیظ شیخ، وزیراعظم دے مشیر برائے تجارت عبدالرزاق داود، ڈاکٹر عشرت حسین، وزیراعظم دے معاون خصوصی برائے سمندر پار پاکستانیز سید زوالفقار عباس بخاری،وزیراعظم دے معاون خصوصی برائے اطلاعات و نشریات لیفٹننٹ جنرل(ر) عاصم سلیم باجوہ، وزیر اعلی پنجاب سردار عثمان بزدار، وزیر اعلی خیبر پختون خوا محمود خان، وزیر خزانہ پنجاب مخدوم ہاشم جواں بخت ، وزیر خزانہ خیبر پختونخواہ تیمور سلیم جھگڑا اتے سینئر افسر شریک تھیے۔
.jpg)
