پی آئی اے دا پاکستان توں ٹورنٹو سانڳےفضائی آپریشن معمول دے مطابق جاری اے، ترجمان پی آئی اے

اسلام آباد۔4اکتوبر(اے پی پی) پاکستان انٹرنیشنل ایئرلائن (پی آئی اے) دے ترجمان عبداللہ حفیظ خان آکھیے جو پی آئی اے دا پاکستان توں ٹورنٹو کیتے فضائی آپریشن معمول دے مطابق جاری اے ، ، اسلام آباد تے لاہور توں ٹورنٹو سانڳے ݙو طرفہ چار پروازاں ہفتہ وار روانہ تھیندن ۔ ٻدھ کوں کینیڈا فضائی آپریشن دے حوالے نال آپݨے وضاحتی بیان اچ انہاں ٹورنٹو اچ پرواز روکیے ونڄݨ متعلق خبراں دی وضاحت کریندے ہوئیں ݙسائے جو ٹورنٹو ائیر پورٹ تے ہینڈلنگ ایجنسی نال واجبات دی عدم ادائیگی دی وجہ پرواز دی لاہور روانگی اچ دیر تھئی ۔ پاکستان اتے کینیڈا اچ نظام الاوقات دے فرق پاروں ادائیگی اچ دیر تھی ڳئی جیں پاروں پرواز آپݨے مقررہ ویلھے توں چار گھنٹے دیر نال روانہ تھئی ۔ ہینڈلنگ ایجنسی اتے فیول کمپنی دے ݙو لکھ ڈالر دے واجبات ݙے ݙتے ڳئن ۔ ترجمان وضاحت کریندے ہوئیں ݙسائے جو میڈیا توں درخواست اے جو ایجھیاں خبراں کوں نشر کرݨ توں پہلے ادارے نال رابطہ کرݨا چاہیدے تاں جو حقیقت دا پتہ لڳ سڳے۔

مضمون کا ماخذ : قسمت کا پہیہ

متعلقہ مضامین