اسلام آباد۔20نومبر(اے پی پی) صدر مملکت ڈاکٹر عارف علوی نال یونیسیف دے نامزد کیتے ڳئے ٻالاں دے وفد دی عالمی یوم ِ اطفال دے سلسلے اچ کیتی ۔ٻالاسں دا وفد چارے صوبیں ، گلگت بلتستان اتے آزاد جموں و کشمیر دے ٻالاں دی نمائندگی کریندا پیا ہئی ۔ایوان صدر دے پریس ونگ موجب وفد دی قیادت پاکستان اچ یونیسیف دی پہلی یوتھ ایڈووکیٹ 16 سالہ تقویٰ احمد کیتی۔ٻالاں دے وفد مستقبل سانڳے اپݨی امیداں ، توقعات بارے صدر مملکت کوں ݙسایا ۔ملاقات اچ وفد ٻالاں کوں پیش آندے مختلف مسئلیں تے چیلنجزتے وی روشنی پاتی ۔ صدر مملکت ڈاکٹر عارف علوی آکھیے پاکستان ٻالاں دے حقوق تے بہبود کیتے اقدامات کرݨ سانڳے پرعزم اے ،ٻالاں کوں تعلیم، ہنر تے تربیت نال آراستہ کرݨ سانڳے اقدامات کیتے ویندے پئن ،خصوصی ٻالاں کوں باقاعدہ سکولاں اچ جامع تعلیم ݙیوݨ دی لوڑھ اے ۔انہاں آکھیے خصوصی ٻالاں کوں معاشرے دے مرکزی دھارے دا حصہ بݨاوݨا ہوسی ،خصوصی ٻالاں کوں مہارتاں نال آراستہ کرݨ تے انہاں کوں روزگار گھنݨ اچ مدد ملسی ۔ ٻالاں صدر مملکت نال موسمیاتی تبدیلی، چھوہریں دی تعلیم، خصوصی ٻال تے انہاں کوں پیش آندے مسئلے بارے مختلف سوال پچھیے۔ملاقات اچ ٻالاں صدر مملکت کوں اپݨے تجربے دا ݙسائے ۔ ٻالاں زندگی اچ ودھݨ ، کھیݙݨ سانڳے سازگار ماحول ݙیوݨ کیتے اقدامات دی لوڑھ تے زور ݙتا ۔ بعد اچ ٻالاں بینکنگ سیکٹر متعلق ھک کیس اچ صدر مملکت دی طرفوں کیتی ڳئی سماعت اچ وی شرکت کیتی۔
.jpg)
