مشیر خارجہ سرتاج عزیز دی جاپان ،آسٹریا اتے سوئیٹزر لینڈ دے وزراخارجہ نال ملاقاتیں

اسلام آباد ۔ 21 ستمبر (اے پی پی) جاپان،آسٹریا اتے سوئیٹزر لینڈپاکستان نال تعلقات کوں بئیا مستحکم کرنڑ اتے علاقائی تے بین الاقوامی معاملیاں تے آپسی افہام و تفہیم کوں ودھاونڑ تے اتفاق کیتے۔اے اتفاق رائے بدھ کوں نیویارک اچ یو این جنرل اسمبلی دے اجلاس دے موقع تے مشیر خارجہ سرتاج عزیز اتے جاپان دے وزیر خارجہ فومیو کشیدہ،آسٹریا دے وزیر خارجہ سبسٹائن کورز اتے سوس وزیر خارجہ ڈائیڈر برہالٹر وچال انج انج ملاقات وچال پاتی گئی۔دفتر خارجہ دے ترجمان دے مطانق ترائیں ملکاں دے وزراء خارجہ دہشت گردی دے خلاف مہم اچ پاکستان دی قربانیاں کوں تسلیم کریندیں ہوئیں قبائلی اتے ملک دے بئے حصیاں اچ کامیابی نال جاری انسداد دہشت گردی آپریشن کوں سراہیا۔مشیر خارجہ ایں موقع تے آکھیا جو انہاں آپشنز دے نتیجے اچ ملک اچ سکیورٹی دی صورتحال چنگی تھی اے جئیں نال ملک دی معیشت پائیدار شرح نال ترقی دے رستے تے ٹردی پئی اے۔انہاں جاپان ،آسٹریا،اتے سوئیٹزرلینڈولوں پاکستان اچ سرمایہ کاری کوں سراہیا۔مشیر خارجہ آپنڑے جاپانی ،آسٹریا اتے سوئس ہم منصباں کوں پاک بھارت تعلقات اتے بھارتی مقبوضہ کشمیر اچ صورتحال بارے بریف کیتا۔

مضمون کا ماخذ : سلور لائونیس 4x ضرب

متعلقہ مضامین