معیشت کوں سود توں پاک کرݨ بارے ٹرانسفارمیشن پلان چھیکڑی مرحلے اچ اے، وزیر مملکت برائے خزانہ دا قومی اسمبلی اچ جواب

اسلام آباد۔27مارچ (اے پی پی) وزیر مملکت برائے خزانہ ڈاکٹر عائشہ غوث پاشا آکھیا جو معیشت کوں سود توں پاک کرݨ بارے ٹرانسفارمیشن پلان چھیکڑی مرحلے اچ اے۔ ایں بارے ٹرانسفارمیشن پلان تیاری دے چھیکڑی مرحلے اچ اے۔ سنوار کوں قومی اسمبلی اچ سوالاں دے وقفے اچ آسیہ عظیم دے سوال دے ولدے اچ وزیر مملکت برائے خزانہ ڈاکٹر عائشہ غوث پاشا آکھیا جو ایف بی آر دے ریکارڈ موجب ایں ویلھے ملک اچ 3161 غیر ملکی کمپنیاں موجود ہن جئیں اچوں 2021 اچ 307 ارب اتے 2022 اچ 340 ارب روپے دی سرمایہ کاری کیتی ڳی اے۔ ہیلتھ کارڈ دے ذریعے علاج معالجہ کیتے مرکز اتے صوبے کردار ادا کریندے پے ہن۔ ایندا بجٹ ٻہوں ودھ ڳیا ہئی اساں اینکوں ری ڈیزائنگ کریندے پیوں تانجو صرف مستحق لوکاں کوں علاج دی سہولت مل سڳے۔ ہک ٻے سوال دے ولدے اچ انہاں آکھیا جو ٹیکساں اچ استثنا ٹرن اوور دی بنیاد تے ݙتا ویندے۔ عالیہ کامران دے سوال دے ولدے اچ انہاں آکھیا جو حکومت سود توں پاک معیشت کیتے پرعزم اے۔

مضمون کا ماخذ : ایزٹیک گولڈ

متعلقہ مضامین