توانائی بحران نال نبݨݨ سانگے توانائی دی منصوبہ بندی ٻہوں ضروری اے ، نگراں وفاقی وزیر منصوبہ بندی محمد سمیع سعید
APP27-200923
ISLAMABAD: September 20 - The caretaker Minister for Planning, Development & Special Initiatives, Muhammad Sami Saeed on Wednesday chairs a meeting to "Build Consensus for Regulating Conversion of Agricultural Land to Housing Societies in Pakistan" at Planning Ministry. APP/ABB/FHA
اسلام آباد۔20ستمبر(اے پی پی) نگراں وفاقی وزیر منصوبہ بندی محمد سمیع سعید آکھیے ملک اچ توانائی دے بحران نال نبݨݨ سانگے مربوط توانائی دی منصوبہ بندی ٻہوں ضروری اے تے موجودہ حکومت ایں بحران تے قابو پاوݨ کیتے بھرپور اقدامات کریندی پئی اے ۔ اے ڳالھ انہاں نگراں وزیر منصوبہ بندی پلاننگ کمیشن دے انرجی ونگ دے زیر اہتمام “پائیدار ترقی کیتے مربوط توانائی دی منصوبہ بندی” دے عنوان توں منعقدہ ورکشاپ توں خطاب کریندے ہوئیں آکھی اے ۔ تقریب اچ ڈپٹی چیئرمین پلاننگ کمیشن جہانزیب خان، توانائی دے شعبے دے ملک دے معروف ماہرین اتے ٻئے سٹیک ہولڈرز شرکت کیتی۔ واضح رہے جو اگست 2022 اچ آئی ای پی پائیدار ترقی ذاتی طور تے لیپ (LEAP) ٹریننگ پروگرام ݙیوݨ دی پہل کیتی جتھاں توانائی دے شعبے دے متعلقہ سٹیک ہولڈرز کوں تربیتی عمل اچ شرکت کیتے سݙیا ڳیا ہئی ۔ ورکشاپ اچ ترائے موضوعاتی سیشن رکھیے ڳئے جیں اچ لیپ ماڈل دے بنیادی مفروضے شامل ہن ۔ انٹیگریٹڈ انرجی ڈیمانڈ دا تخمینہ، پاور سیکٹر انرجی مکس مستقبل دی ڈیمانڈ کوں پورا کرݨ سانگے لیپ ماڈل دا استعمال کرݨا اے تاں جو لیپ ماڈل دا استعمال کریندے ہوئیں مستقبل دی ڈیمانڈ کوں پورا کیتا ونڄ سڳے۔ ایں موقع تے خطاب اچ پلاننگ کمیشن دے ڈپٹی چیئرمین جہانزیب خان آکھیے پلاننگ کمیشن دا بالعموم تے آئی ای پی دا کردار خاص طور تے ملک اچ جامع تے ترقی تے مبنی توانائی دی پالیسی سازی کرݨ اے ۔
