نیب دے قانون دا نویں سرو جائزہ گھنڑ دی لوڑھ اے، چیئرمین سینیٹ رضا ربانی
APP44-26
KARACHI: February 26 - Chairman Senate Main Raza Rabbani addressing to ceremony of remembering Shaheed Mohtarma Benazir Bhutto (Conversation, Panel Discussions And Memoirs) at Expo Center. APP photo by Sahib Zaman
کراچی ۔ 26 فروری (اے پی پی) چیئرمین سینیٹ میاں رضا ربانی آکھیے جو نیب دے قانون دی نویں سرو جائزے دی لوڑھ اے تاں جو ہر کہیں دا کہین ونجھ دے بغیر شفاف احتساب تھی سگے،ملک اچ جمہوری عمل کوں ٹردا راہنڑا چاہیدے۔اے گالھ انہاں ایکسپو سنٹر کراچی اچ بے نظیر بھٹو میموریل کانفرنس نال خطاب اتے میڈیا نال گالھ مہاڑ اچ آکھی۔انہان آکھیے جو بینظیر بھٹوکوں جمہوریت کیتے جان پیش کیتی ،انہاں ہمیشہ مسلیاں دا حل گالھ مہاڑ نال کڈھیے،اقتدار دے باوجود انہانںکڈاہیں طاقت دا رستہ نئیں چنڑیا بھل انہاں کوں کم کرنڑ توں روکیا گئے اتے انہاں دے رستے اچ اڑنگیاں گھتیاں گن۔رضا ربانی آکھیے جو ملک اچ انتہاپسنداں اتے دہشت گرداں کیتے کوئی جاہ کائنی،ایں سانگے ماجی دیاں غلطیاں توں سبق سکھیا ونجے۔رضا ربانی آکھیے جو امریکا پاکستان سودھے پورے خطے کوں غیر مستحکم کرنڑ چاہندے جیندا منڈھ اوں افغانستان توں بدھ ڈتے۔انہاں آکھیے جو نیب دے قانون دا نویں سرو جائزہ گھنڑ دی لوڑھ اے،سینیٹ اتے عام انتخابات ویلھے تے تھیسن،ملک ایں ویلھے محاذ آرائی برداشت نئیں کرسگدا۔
