اسلام آباد ۔ 27 نومبر (اے پی پی)وزیراعظم عمران خان آکھیے جو حکومتی کوششاں پاروں اج ملک اچ معاشی استحکام اے،اجوکامعاشی استحکام اتے اقتصادی اشاریاں اچ بہتری دا عمل اگو تے گھن ونجنڑے اتے کاروباری طبقے کوں سوکھ ڈیونڑے تاں جومعاشی ترقی وی اگو تے ودھائی ونج سگے۔اے گالھ انہاں حکومتی معاشی ٹیم دے اجلاس دی صدارت کریندے آکھی جیندے اچ وفاقی وزیرِ مواصلات مراد سعید، وفاقی وزیر اقتصادی امور حماد اظہر، وفاقی وزیرِ نیشنل فوڈ سیکورٹی مخدوم خسرو بختیار، وفاقی وزیر نجکاری میاں محمد سومرو، وفاقی وزیرِ منصوبہ بندی اسد عمر، وفاقی وزیرِ توانائی عمر ایوب، وزیراعظم دے مشیر برائے تجارت عبدالرزاق داود، وزیراعظم دے مشیر برائے خزانہ ڈاکٹر عبدالحفیظ شیخ، وزیراعظم دی معاون خصوصی برائے سماجی تحفظ ڈاکٹر ثانیہ نشتر، وزیراعظم دے معاون خصوصی ندیم بابر، چیئرمین سرمایہ کاری بورڈ سید زبیر حیدر گیلانی، گورنر اسٹیٹ بنک رضا باقر، چیئرمین نیا پاکستان ہاوسنگ اتھارٹی لیفٹیننٹ جنرل (ر) انور علی حیدر، متعلقہ محکماں دے سیکرٹریز و سینئر افسران شریک ہن۔اجلاس اچ بیرون ملک مقیم پاکستانیاں ولوں قانونی طریقے نال ترسیلات بھیجنڑ بارے مجوزہ مراعاتی پیکج وزیرِ اعظم کوں پیش کیتا گئے اتے تجویز ڈتی گئی جو قانونی طریقے نال بیرون ملک توں آونڑ آلے ترسیلات زر دے ودھارے کیتے پرموشن اسکیم جاری کیتی ونجے،سکیم دے تحت قرعہ اندازی نال بیرون ملک توں ترسیلات زر بھیجنڑ آلے پاکستانیاں کوں انعامات ڈتے ونجن۔ اجلاس اچ پاکستان پوسٹ ولوں ترسیلات زر اچ سہولت کاری کیتے مقررہ ڈاکخانیاں دی تعداد،لوکاں کوں ترسیلات زر ویلھے تے پچاونڑدے اقدامات بارے ڈسایا گیا جیندے کیتے پاکستان پوسٹ اتے نیشنل بنک آف پاکستان وچال معاملات تھی گین، ایویں ہی اسٹیٹ بنک آف پاکستان نجی بنکاں کوں ترسیلات زر کیتے کارکردگی دی بنیاد تے مراعاتی پیکیج ڈیسی۔اجلاس اچ صوبائی ٹیکسز دی شرح اچ اصلاحات،صوبیاں دے اقدامات،کاروباری طبقے کیتے سوکھ بارے بریفنگ ڈتی گئی۔چیئرمین نیا پاکستان ہاوسنگ اتھارٹی تعمیرات دے شعبے دے ودھارے تے بریفنگ ڈتی۔ایں دوران خصوصی اقتصادی زونز دے قیام اتے ایندے کیتے قوانین اچ بہتری دی پیش رفت سودھا بیمار اداریاں (سک یونٹس) دی بحالی دےا قدامات دا وی ڈسایا گیا۔
