ویکسی نیشن اتے ایس او پیز تے عملدرآمد نال ای کورونا وائرس دی وبا تے قابو پاتا ونڄ سڳدے، عوام دا رضاکارانہ طور تے ویکسین لواوݨ چنڳی ڳالھ اے، وزیراعظم عمران خان دا اجلاس نال خطاب

اسلام آباد۔14جون (اے پی پی) وزیراعظم عمران خان آکھیا جو ویکسی نیشن اتے ایس او پیز تے عملدرآمد نال ای کورونا وائرس دی وبا تے قابو پاتا ونڄ سڳدے، عوام دا رضاکارانہ طور تے ویکسین لواوݨ چنڳی ڳالھ اے جئیں دی مثال ترقی یافتہ ملکیں اچ وی گھٹ ملدی اے۔ ہندوستان جیھی صورتحال توں بچݨ سانڳے اداریاں اتے عوام کوں رل تے کورونا وائرس دی وبا توں بچݨ سانڳے اقدامات کرݨے پوسن۔ اے ڳالھیں انہاں سنوار کوں اتھاں ملک اچ جاری ویکسی نیشن مہم بارے اعلیٰ سطح دے اجلاس دی صدارت کریندیں ہوئیں آکھی۔ اجلاس اچ وفاقی وزیر داخلہ شیخ رشید احمد، وفاقی وزیر منصوبہ بندی و ترقی اسد عمر، وفاقی وزیر توانائی حماد اظہر، وفاقی وزیر ریلوے اعظم خان سواتی، وزیراعظم دے معاونینِ خصوصی ڈاکٹر فیصل سلطان، محمد شہزاد ارباب اتے متعلقہ حکام شرکت کیتی۔ اجلاس کوں نیشنل کمانڈ اینڈ آپریشن سینٹر ولوں ویکسی نیشن مہم دے اڄوکے اعشاریاں اتے آندے لائحہ عمل تے تفصیلی بریفنگ ݙتی ڳئی۔

مضمون کا ماخذ : لوٹیریا کا اطلاق

متعلقہ مضامین