تریمتیں کوں معاشی طور تے بااختیار ٻݨاوݨ اساں ساریاں دی ذمہ واری اے، احساس پروگرام تریمتیں دی تعلیم بارے ٻہوں موثر کردار ادا کریندا پئے، صدرمملکت ڈاکٹر عارف علوی دا تقریب توں خطاب

اسلام آباد۔14فروری (اے پی پی) صدر مملکت ڈاکٹر عارف علوی آکھیا جو تریمتیں کوں معاشی طور تے بااختیار ٻݨاوݨ اساں ساریاں دی ذمہ واری اے، احساس پروگرام تریمتیں دی تعلیم بارے ٻہوں موثر کردار ادا کریندا پئے۔ تریمتیں آئی ٹی توں گھر ٻہہ تے کمیندی پئن۔ صدرمملکت اے ڳالھیں سنوارکوں اتھاں صنفی مساوات دے موضوع تے تھیوݨ آلی تقریب توں خطاب کریندیں ہوئیں آکھی۔ تقریب دا اہتمام آکسفیم پاکستان کیتا ہئی جئیں اچ قومی اتے صوبائی اسمبلی دے ارکان، غیر سرکاری تنظیماں دے نمائندے، سفارتکار، آکسیفم دے عہدیدار اتے ٻئی اہم شخصیات شرکت کیتی۔ ڈاکٹر عارف علوی تریمتیں نمائندیاں تے زور ݙتا جو او صنفی مساوات اتے تریمتیں کوں معاشی طور تے مضبوط ٻݨاوݨ کیتے تریمتیں دی رہنمائی کرن۔ آسٹریلیا دے ناظم الامور برائس ڈیوڈ ہیچیسن، سندھ اسمبلی دی رکن رعنا عنصر اتے بئے مقررین وی تقریب توں خطاب کیتا۔

مضمون کا ماخذ : Raging Rhino

متعلقہ مضامین